me' matri e me' patri

Me' matri

Casa maritu e figghi
'nto so' cori
Travagghi di continuo
a tutti ll'uri
di matri
di mugghieri
e d'infemmera

Eppuru di ricchizzi
nu' fardeddu
'a vita ginirusa
cci puttau
si a' morti di 'na bedda picciridda
ppe' mmezzu di na' guerra
cunsignau

E quannu idda poi
vosi strafari
a so' maritu cci scassau
lu cori
e non cuntenta
ancora vosi dari
levannuncillu 'n tutto
di campari





Me' patri

Chinu di sentimenti e sanu onuri
un veru galantomu 'nta sta terra
amicu cchiù sinceru e cchiù leali
nimicu di li sgarbi e li paroli

Non potti di sta vita assai gudìri
guerra
cori e sfortuna
su puttaru
a guerra cchi 'na figghia cci levau
e u' cori cchi malatu u' ccumpagnau
nta' na sfortuna
chi fici di patruna.

Natale 1966